ශ්‍රී ලංකා ඉන්ෂුවරන්ස් මූල්‍ය ස්ථාවරවත්වය පිළිබඳ පුරෝගාමී උරුමයක් සහ දශක පහක් පුරා විහිද ගිය වීශ්වාසය මත පදනම් වූ, රාජ්‍ය හිමිකාරත්වයෙන් යුත් ශ්‍රී ලංකාවේ විශාලතම සහ ශක්තිමත්ම රක්ෂණ ආයතනයයි.
රාජ්‍ය ආයතනයක් සහ දිවයිනේ පුරෝගාමී රක්ෂණ ආයතනයක් ලෙස 1962 වසරේදී ස්ථාපිත කරනු ලැබූ, ශ්‍රී ලංකා ඉන්ෂුවරන්ස් අද වන විට රු. බිලියන 268 ක වත්කම් පදනමක් කළමනාකරණය අතර එය ලංකාවේ රක්ෂණ සමාගමක් සතු විශාලතම වත්කම් පදනමයි. එසේම, රු. බිලියන 152.5ක් වන දේශීය රක්ෂණ ක්ෂේත්‍රයේ වැඩිම ජීවිත රක්ෂණ අරමුදල සහ රු. බිලියන 6 ක ශක්තිමත් ප්‍රාග්ධනීකරණය සතු අප ශ්‍රී ලංකාවේ වඩාත්ම සුරක්ෂිත සහ විශ්වසනීය රක්ෂණ විසදුම් සපයන්නා බවට පත්ව සිටිමු.
විශ්වාසය පිළිබඳ අපගේ කීර්තිනාමය ගොඩ නැගී ඇත්තේ මේ දක්වාම ශ්‍රි ලංකාව තුළ සමකළ නොහැකි සුපොහොසත් සහ පරිපූර්ණ තාක්ෂණික දැනුම් පදනමක් භාවිතා කරන්නාවූ දිවයින පුරා විසිරි ශාඛා 158 ක ජාලයක් පාලනය කරන්නා වූ ඉහළ නිපුණතා සහිත පළපුරුදු රක්ෂණ විශේෂඥයන් කණ්ඩායමක් මතය. දශක ගණනාවක් පුරා බැංකුකරණ සහ මූල්‍ය, සෞඛ්‍යරක්ෂණය, විදුලිබලය සහ බලශක්තිය, සංචාරක සහ විනෝදාස්වාදය මෙන්ම ඉදිකිරීම් සහ ඉංජිනේරු වැනි ප්‍රමුඛ පෙළේ කර්මාන්තයන්හි ආයෝජන සහිතව විවිධාංගීකරණය තුළින් අප වඩා වඩාත් ශක්තිමත්ව ප්‍රගතිය කරා පිය මැන ඇත්තෙමු.
දේශයේ විශ්වසනීය රක්ෂකයා වීමේ අප සමාගමේ සර්වග්‍රාහී දැක්ම සාක්ෂාත් කරගැනීම උදෙසා වන අපගේ ගමන අප සාර්ථකව ඉදිරියට පවත්වා ගෙන යාමේදී, අප ශ්‍රි ලංකාව තුළ මූල්‍ය ස්වාධීනත්වය පිළිබඳ සංස්කෘතියක් අප දිරිගන්වා ඇත්තෙමු.
- අන්‍යෝන්‍ය විශ්වාසය සහ ගරුත්වය
- එකමුතු බව
- වෘත්තීමය කැපවීම
- නිවැරදි ආචාරධර්ම සහ අවංක බව
- නොනවතින විශිෂ්ටත්වය
ශ්‍රී ලංකා ඉන්ෂුවරන්ස් පාරිභෝගික රක්ෂිත හානිපුරණය සපුරාලීම අඛණ්ඩව දියුණු කිරීමෙන්, පාරිභෝගික හා බැඳියාවක් ඇති පක්ෂයන්ගේ තෘප්තිය ඉටු කිරීමට කැප වී සිටී.
තත්ව අරමුණු ස්ථාපිත කිරීම සඳහා යෝග්‍ය ක්‍රියාවලියක් අප විසින් සකසා ඇති අතර එය සේවක සේවිකාවන්ගේ අවබෝධය, ඵලදායි සන්නිවේදනය, දිරිගැන්වීම සහ පුහුණුව තුලින් කාලීනව ප්‍රතිශෝධනය කෙරේ.
ජාතියේ රක්ෂණ සැපයුම්කරු වන ශ්‍රී ලංකා ඉන්ෂුවරන්ස් කෝපරේෂන් ලිමිටඩ් රක්ෂිත හානිපූරණය කරමින් සිය කාර්ය මණ්ඩලයේත්, පාරිභෝගිකයන්ගේ සහ සමාගමේ අනෙකුත් පාර්ශවකරුවන්ගේත් සෞඛ්‍යාරක්ෂාව මෙන්ම කොවිඩ් 19 සෞඛ්‍යාරක්ෂණ කළමනාකරණ පද්ධතිය අඛණ්ඩව වැඩිදියුණු කිරීම සෞඛ්‍ය අමාත්‍යංශයේ මාර්ගෝපදේශ, නීති සහ අනෙකුත් නියාමන අවශ්‍යතාවයන්ට අනුකූලව කටයුතු කිරීමට කැපවී සිටියි.
කොවිඩ් 19 සෞඛ්‍යාරක්ෂණ පාලන සැලසුම් හරහා ඵලදායි සන්නිවේදන අභිප්‍රේරණය මෙන්ම කොවිඩ් කාර්ය සාධන බලකාය පිහිටවීම මගින් සමාගමේ සියලුම කාර්ය මණ්ඩලයට අවබෝධ කරගත හැකි ආකෘතියක් අපි ඉදිරිපත් කරමු. කොවිඩ් සෞඛ්‍යාරක්ෂණ පාලන සැලසුම් අපගේ ආයතනයේ අරමුණු වලට අනුකූල වන පරිදි අපි සලකා බලන්නෙමු.
මුල්‍ය ස්ථාවරත්වය හා රක්ෂණ ක්ෂේත්‍රයේ ඉහළම තාක්ෂණික විශේෂඥතාවය හිමි රාජ්‍ය රක්ෂණ ආයතනයක් ලෙසින් ශ්‍රී ලංකා ඉන්ෂුවරන්ස් සතු කීර්තිනාමය සමඟින් පුද්ගල හා ව්‍යාපාරික වගකීම් සඳහා විශ්වාසදායි හා දිගුකාලීන රක්ෂණ විසඳුම් ලබාදීමේ හැකියාව ශ්‍රී ලංකා ඉන්ෂුවරන්ස් සතුය.
රු. බිලියන 268කට අධික වත්කම් සම්භාරයකට සහ ශ්‍රී ලංකාවේ විශාලතම ජීවිත රක්ෂණ අරමුදල වන රු. බිලියන 152.5ක අරමුදලකට හිමිකම් කියන අප ශ්‍රී ලංකාවේ රක්ෂණ ඉතිහාසයේ විශාලතම බෝනස් දීමනාව වන රු. බිලියන 9.8ක මුදල ප්‍රකාශයට පත්කර ඇත්තෙමු. සියලු ජීවිත රක්ෂණ ඔප්පුහිමියන් සඳහා පළමූ වසරේ සිට මුලික රක්ෂිත මුදල මත පදනම්ව ගණනය කරනු ලබන ඉහළ බෝනස් දීමනාවක් ශ්‍රී ලංකා ඉන්ෂුවරන්ස් සහතික කරයි. ලොව ප්‍රකට ප්‍රතිරක්ෂණ සමාගම් වන යුනියන් සහ ස්විස් රේ යන සමාගම්වල ප්‍රතිරක්ෂණ පහසුකම් සමඟින් ශ්‍රී ලංකාවේ රක්ෂණ ක්ෂේත්‍රයේ මෙතෙක් සිදුකර ඇති විශාලම රක්ෂණ හිමිකම් පියවීම සිදුකිරීමට අප සමත් වූයෙමු.
ශක්තිමත් මූල්‍ය ස්ථාවරත්වය වෙනුවෙන් ෆිච් ශ්‍රේණිගත කිරීම් වලට අනුව AA (lka) ශ්‍රේණිගත කිරීම ලබාගත් එකම රක්ෂණ ආයතනය ශ්‍රී ලංකා ඉන්ෂුවරන්ස් වේ. රක්ෂණ ක්ෂේත්‍රය තුල විශාලතම ජීවිත රක්ෂණ අරමුදල වන රු. බිලියන 152.5ක ජීවිත රක්ෂණ අරමුදල සහ රු.බිලියන 268ක විශාලතම වත්කම් සම්භාරයද ශ්‍රී ලංකා ඉන්ෂුවරන්ස් සතුය.
Download SLIC Mobile App!
